ទាហានមួកខៀវ៣៧នាក់ ហ្វឹកហ្វឺនលើជំនាញជួយសង្គ្រោះដោយគ្រោះមហន្តរាយកើតឡើង ដោយធម្មជាតិ មុននឹងចេញទៅបំពេញបេសកកម្មនៅអាហ្វ្រិកកណ្តាល

Please log in or register to like posts.
ព័ត៌មាន

AKP ភ្នំពេញ ថ្ងៃទី០១ ខែកញ្ញា ឆ្នាំ២០២១ — សិក្ខាកាមទាហានមួកខៀវ នៃមជ្ឈមណ្ឌលជាតិរក្សាសន្តិភាពចំនួន៣៧នាក់ មុនចេញ ទៅបំពេញបេសកកម្មអង្គការសហប្រជាជាតិ នៅសាធារណរដ្ឋអាហ្វ្រិកកណ្តាលក្នុងឆ្នាំ ២០២២ ធ្វើការហ្វឹកហាត់រយៈពេល១ខែ លើជំនាញជួយសង្គ្រោះជនរងគ្រោះ ក្នុងហេតុការណ៍ គ្រោះមហន្តរាយទឹកជំនន់កើតឡើងដោយធម្មជាតិ ដោយយោធាចារ្យ ពីបញ្ជាការដ្ឋាន កងទ័ពជើងទឹក។

ឯកឧត្តម នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព ក្នុងដំណើរចុះពិនិត្យការហ្វឹកហាត់ របស់ សិក្ខាកាម នៅព្រឹកថ្ងៃទី០១ ខែកញ្ញា ឆ្នាំ២០២១ បានបញ្ជាក់ថា សិក្ខាកាមជាទាហាន មួកខៀវ កម្ពុជាបានចាប់ផ្តើមហ្វឹកហ្វឺនជំនាញនេះ កាលពីថ្ងៃទី១៨ ខែសីហា ឆ្នាំ២០២១។ ក្រោយ បញ្ចប់វគ្គហ្វឹកហាត់នេះ សិក្ខាកាមទាំងអស់នឹងបន្តវគ្គហ្វឹកហាត់កាណូតរុញពោង ស្ពានដែក ចល័ត PMP ជាសាឡង់ ជាស្ពានពោងបណ្តែតទឹក និងរថយន្តស្ពានដែកចល័ត TMM ដោយសារការងារហ្វឹកហាត់ គឺត្រូវអនុវត្តន៍ច្រើននៅក្នុងតំបន់បេសកកម្ម អង្គការសហ ប្រជាជាតិ នៅសាធារណរដ្ឋអាហ្វ្រិកកណ្តាល។

ក្នុងវគ្គហ្វឹកហាត់សង្គ្រោះគ្រោះមហន្តរាយនេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានផ្តល់ឱ្យអូប័រសម្រាប់ធ្វើការហ្វឹកហាត់។ ជាមួយគ្នានេះ សិក្ខាកាម និងយោធាចារ្យ ត្រូវបានយកសំណាកមុនចូលហ្វឹកហាត់ ផងដែរ៕

ដោយសំ សាម៉ន

You do not have permission to write comment on this post.

Log in Register